ბოლო 24 საათის განმავლობაში საქართველოში კორონავირუსის 2 ახალი შემთხვევა გამოვლინდა, გამოჯანმრთელდა 1 პაციენტი.
თბილისის ინფექციური საავადმყოფოს კლინიკური დირექტორის, მარინა ეზუგბაიას განცხადებით, ორივე შემთხვევა იმპორტირებულია, ორივე პაციენტი სატვირთო მანქანის მძღოლია.
ამჟამად საქართველოს ქოვიდცენტრებში 126 პაციენტი მკურნალობს დადასტურებული კორონავირუსის დიაგნოზით.
27 ივნისის მდგომარეობით, საქართველოში კორონავირუსის 921 შემთხვევაა დადასტურებული. მათ შორის გამოჯანმრთელდა 781 პაციენტი, გარდაიცვალა – 14.
ამჟამად კარანტინის რეჟიმში იმყოფება 2687 ადამიანი, ხოლო სტაციონარში მეთვალყურეობის ქვეშ – 207 პირი.
