Batumelebi | აჭარის მთავრობის თათბირი „ქართული ოცნების“ ოფისში აჭარის მთავრობის თათბირი „ქართული ოცნების“ ოფისში – Batumelebi

აჭარის მთავრობის თათბირი „ქართული ოცნების“ ოფისში

ბათუმში, „ქართული ოცნების“ ოფისში, პარტიული აქტივი, ასევე, აჭარის მთავრობის წევრები და საკრებულოების ხელმძღვანელები იკრიბებიან. როგორც „ბათუმელებს“ უთხრეს, მათთან აჭარის მთავრობის თავმჯდომარე თორნიკე რიჟვაძე გაფართოებულ თათბირს ატარებს.

„ქართული ოცნების“ ოფისში მივიდნენ ბათუმის საკრებულოს თავმჯდომარე – სულიკო თებიძე და მისი მოადგილე, თამაზ სალუქვაძე, ასევე აჭარის სხვა მუნიციპალიტეტების საკრებულოების თავმჯდომარეები და მოადგილეები.

ოფისთან იმყოფებიან  უმაღლესი საბჭოსა და აჭარის მთავრობის წევრებიც.

დღეს თორნიკე რიჟვაძემ, რომელიც ამავდროულად ქართული ოცნების აჭარის ოფისის ხელმძღვანელია, ბათუმისა და ქობულეთის საარჩევნო შტაბების ხელმძღვანელებიც წარადგინა. ქობულეთში მმართველი პარტიის საარჩევნო შტაბის ხელმძღვანელი იქნება მირიან ქათამაძე, რომელიც ქობულეთის გამგებელია. ბათუმში შტაბს უხელმძღვანელებს გიორგი მანველიძე, უმაღლესი საბჭოს წევრი.

ნეტგაზეთის მასალების სხვა გამოცემებში გადაბეჭდვის წესი
ავტორი