Batumelebi | თურქეთის 15 ქალაქში მოქალაქეებს 2 დღით ეკრძალებათ სახლიდან გასვლა თურქეთის 15 ქალაქში მოქალაქეებს 2 დღით ეკრძალებათ სახლიდან გასვლა – Batumelebi

თურქეთის 15 ქალაქში მოქალაქეებს 2 დღით ეკრძალებათ სახლიდან გასვლა

თურქეთში საქართველოს საელჩოს ინფორმაციით, კორონავირუსის გავრცელების პრევენციის მიზნით, 29 მაისის 24 საათიდან 31 მაისის 24 საათამდე მოქალაქეებს ქუჩაში გასვლა ეკრძალებათ.

აკრძალვა ძალაშია თურქეთის შემდეგ ქალაქებში:

ანკარა, ბალიქესირი, ბურსა, ესქიშეჰირი, გაზიანთეფი, სტამბოლი, იზმირი, კაისერი, ქოჯაელი, კონია, მანისა, საქარია, სამსუნი, ვანი და ზონგულდაქი.

პირველი ივნისიდან კი თურქეთი ამსუბუქებს კორონავირუსის გამო დაწესებულ შეზღუდვებს – აღდგება საქალაქთაშორისო მოძრაობა, გაიხსნება კაფეები, რესტორნები, პარკები, სპორტული დარბაზები.

თურქეთში ასევე გაიხსნება მუზეუმები და პლაჟები მოქალაქეებისთვის, თუმცა თავისუფლად გადაადგილებაზე შეზღუდვები 65 წელს გადაცილებულ და 18 წლამდე პირებისთვის კვლავ რჩება ძალაში.

Covid19-ით თურქეთში ინფიცირებულია 160 979 ადამიანი, მათ შორის, გამოჯანმრთელდა 124 369 პირი, გარდაიცვალა – 4 461.

________________

მთავარი ფოტო: ევროპის პრესსააგენტო EPA-EFE/TOLGA BOZOGLU

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com