აჭარის მაღალმთიან სოფელში, მთისუბანში, ხე-ტყის უკანონო ინტენსიურ გაჩეხვაზე „ბათუმელები“ 2016 წელში წერდა. მაშინ ამ სოფელში მცხოვრები მოქალაქე აცხადებდა, რომ ხე-ტყის ჭრა მიმდინარეობს თავად ტყის მცველების, მათ შორის, ხულოს მუნიციპალიტეტის სატყეოს ხელმძღვანელის ხელშეწყობით.
სწორედ ამავე სოფელში და ამავე ტყეში არაერთი უკანონოდ მოჭრილ წიწვოვან ხეს ახლაც ყოველგვარი ძებნის გარეშე იპოვით. ათობით წიწვოვანი ხე სულ ახლახან არის გაჩეხილი. არც ერთ მოჭრილ ხის კუნძზე არ არის აღნიშნული ხის ჭრის ნებართვის დამადასტურებელი ნიშანი.
სამასალე ხე-ტყე უკვე გატანილია სოფლიდან ან გასატანად არის გამზადებული.