Batumelebi | სოფლის მეურნეობის სამინისტრო 1,6 მილიონად საკონფერენციო დარბაზს ააშენებს სოფლის მეურნეობის სამინისტრო 1,6 მილიონად საკონფერენციო დარბაზს ააშენებს – Batumelebi

სოფლის მეურნეობის სამინისტრო 1,6 მილიონად საკონფერენციო დარბაზს ააშენებს

საქართველოს გარემოს დაცვისა და სოფლის მეურნეობის სამინისტრო ორსართულიან საკონფერენციო დარბაზს ააშენებს. მშენებლობისთვის ტენდერი 1 მილიონ 665 ათასი ლარით არის გამოცხადებული. თანხა სახელმწიფო ბიუჯეტიდან დაიხარჯება.

დოკუმენტების მიხედვით, ორსართულიანი საკონფერენციო დარბაზი თბილისში [მარშალ გელოვანის N6-ის მიმდებარედ], სამინისტროს ტერიტორიაზე აშენდება. მშენებლობის ნებართვა თბილისის მერიამ 2020 წლის 23 მარტს გასცა.

დარბაზის მშენებლობა ტენდერში გამარჯვებულთან ხელშეკრულების გაფორმებიდან არაუგვიანეს 2020 წლის პირველ დეკემბრამდე უნდა დასრულდეს. წინადადებების მიღება კი, 28 მაისს დაიწყება და 6 ივნისს შეწყდება.

 

ფოტო პროექტიდან

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com