Batumelebi | ბათუმში ჩატარებული 200-მდე ტესტის პასუხი უარყოფითია – covid19 ბათუმში ჩატარებული 200-მდე ტესტის პასუხი უარყოფითია – covid19 – Batumelebi

ბათუმში ჩატარებული 200-მდე ტესტის პასუხი უარყოფითია – covid19

აჭარის ჯანდაცვის მინისტრის მოადგილის ნინო ნიჟარაძის განცხადებით, გასული 24 საათის განმავლობაში ბათუმში 200-მდე ლაბორატორიული კვლევა ჩატარდა და კორონავირუსის არც ერთი შემთხვევა არ გამოვლენილა.

„აჭარის რეგიონში გვყავს სულ 32 გამოჯანმრთელებული პირი. ამ ეტაპზე კლინიკა „მედალფაში“ 23 პირი მკურნალობს და ერთი პაციენტი დღეს დატოვებს კლინიკას,“- განაცხადა ნინო ნიჟარაძემ.

მისი თქმით, ქობულეთის კლასტერთან დაკავშირებით სულ 36 შემთხვევაა აღრიცხული და ამ დრომდე ჩაკეტილია ქობულეთის სამი სოფელი, თუმცა ამ სოფლებში მყოფ პირებს მოეხსნათ იზოლაცია, გარდა ბოლო ორ შემთხვევასთან კონტაქტირებული პირებისა, რომელთა რაოდენობა არის 16 ადამიანი“.

ნიჟარაძის თქმით, ცხელების კლინიკაში ჰოსპიტალიზებულია 29 ადამიანი და დღის განმავლობაში ცნობილი იქნება მათი კვლევის შედეგები.

„რისკის ჯგუფების ტესტირება ისევ მიმდინარეობს და მათ შორის იქნებიან თავშესაფარში მყოფი ადამიანებიც. ასევე, საკარანტინე სივრცეში დასაქმებული პერსონალი,“- ამბობს ნინო ნიჟარაძე.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com