ნეტგაზეთი • RU

რუსეთში ბოლო 24 საათში კორონავირუსის 8 ათასამდე ახალი შემთხვევა დაფიქსირდა

რუსეთში Covid19-ით ინფიცირების დადასტურებული შემთხვევების რაოდენობა 114 431-ია, მათგან 7 933 ახალი შემთხვევა ბოლო 24 საათის განმავლობაში დაფიქსირდა. ეს ყოველდღიური ახალი შემთხვევების რეკორდული მაჩვენებელია. 30 აპრილის მონაცემებით, რუსეთში 24 საათში 7 099 შემთხვევა იყო დაფიქსირებული.

Covid19-ის ეპიდაფეთქების შედეგად რუსეთში ჯამში 1169 ადამიანი გარდაიცვალა, მათ შორის 96 – ბოლო 24 საათის განმავლობაში. ჯამში გამოჯანმრთელებულია 13 220 ადამიანი.

რამდენიმე დღის წინ რუსეთმა COVID19-ის შემთხვევების რაოდენობით ჩინეთს გაუსწრო. დადასტურებული შემთხვევების რაოდენობით იგი მსოფლიოში მე-8 ადგილზეა.
გარდა ამისა, საინფორმაციო სააგენტო ინტერფაქსი, ვიცე-გუბერნატორის ოლეგ ერგაშევის პრესსამსახურზე დაყრდნობით ავრცელებს ინფორმაციას, რომ პეტერბურგის სამეცნიერო-კვლევითი ინსტიტუტის სასწრაფო სამედიცინო დახმარების 111 თანამშრომელს კორონავირუსული ინფექცია დაუდასტურდა.
ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან