ჯონ ჰოპკინსის უნივერსიტეტის მონაცემებით, დიდი ბრიტანეთი Covid19-ით გარდაცვლილთა რაოდენობით მესამე ადგილზეა აშშ-ისა და იტალიის შემდეგ.
30 აპრილის მონაცემებით, დიდ ბრიტანეთში 26 166 ადამიანი გარდაიცვალა Covid19-ით. ახალი კორონავირუსით ქვეყანაში ინიფიცრებულია 166 441 ადამიანი. worldometers.info-ს მონაცემებით, სტატისტიკა მკვეთრად შეიცვალა გუშინ, 29 აპრილს, როცა მონაცემებში აისახა Covid 19-ით გარდაცვლილთა რიცხვი – 4 419.
ბოლო მონაცემების თანახმად, Covid19-ით ყველაზე მეტი ადამიანი აშშ-ში [სულ 60 999] და იტალიაში [ 27 682] გარდაიცვალა.
რაც შეეხება Covid19-სგან გამოჯანმრთელებულთა რაოდენობას ქვეყნების მიხედვით, სტატისტიკა ასე გამოიყურება:
- ესპანეთი – განიკურნა 132 929 ადამიანი
- აშშ – განიკურნა 124 023 ადამიანი
- გერმანია – განიკურნა 123 500 ადამიანი
ახალი კორონავირუსი, რომელმაც პანდემია გამოიწვია, ჩინეთში, უჰანის პროვინციაში გავრცელდა 2020 წლის იანვარში.
________________
ფოტო: ევროპის პრესფოტო სააგენტო. EPA/NEIL HALL
