Batumelebi | შემუშავებული იქნება ღონისძიებები – დაავადებათა კონტროლის ცენტრი ეროვნული გამოცდების შესახებ შემუშავებული იქნება ღონისძიებები – დაავადებათა კონტროლის ცენტრი ეროვნული გამოცდების შესახებ – Batumelebi

შემუშავებული იქნება ღონისძიებები – დაავადებათა კონტროლის ცენტრი ეროვნული გამოცდების შესახებ

დაავადებათა კონტროლის ეროვნულ ცენტრში დღეს, 27 აპრილს, გამართულ ბრიფინგზე განაცხადეს, რომ ეროვნულ გამოცდებთან დაკავშირებით განათლების სამინისტროსთან მიმდინარეობს მსჯელობა, როგორი უსაფრთხო გარემო იქნება იმ ადამიანებისთვის, რომლებიც გამოცდების ჩასაბარებლად მივლენ.

„ჩვენ ყველანაირ ღონისძიებას დავსახავთ განათლების სამინისტროსთან ერთად, რომ ეს 3-4-საათიანი გამოცდა იყოს აბიტურიენტების ჯანმრთელობისთვის უსაფრთხო. შემუშავებული იქნება ადეკვატური ღონისძიებები.

წელს აბიტურიენტებს უჩვეულო გარემოში მოუწიათ სწავლა და ეროვნული გამოცდებისთვის მზადება, უჩვეულო გარემოში მოუწევთ სკოლის დამთავრება და ბოლო ზარის თუ დღესასწაულის აღნიშვნა,“-  განაცხადა ხათუნა ზახაშვილმა, დაავადებათა კონტროლის ეროვნული ცენტრის გადამდებ დაავადებათა დეპარტამენტის უფროსმა.

ეროვნულ გამოცდებთან დაკავშირებით პრემიერ-მინისტრმაც გააკეთა რამდენიმე დღის წინ განცხადება. მან თქვა, რომ ეროვნული გამოცდები ჩატარდება, თუმცა შესაძლოა თარიღი შეიცვალოს.

___________

ფოტო „ბათუმელების“ არქივიდან

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com