Batumelebi | ბათუმში სმენადაქვეითებული ბავშვების ოჯახის წევრებს ჟესტურ ენას შეასწავლიან – მერიის ტენდერი ბათუმში სმენადაქვეითებული ბავშვების ოჯახის წევრებს ჟესტურ ენას შეასწავლიან – მერიის ტენდერი – Batumelebi
RU | GE  

ბათუმში სმენადაქვეითებული ბავშვების ოჯახის წევრებს ჟესტურ ენას შეასწავლიან – მერიის ტენდერი

ბათუმში მცხოვრები სმენადაქვეითებული ბავშვების ოჯახის წევრებს ჟესტურ ენას შეასწავლიან. ბათუმის მერია შესაბამის მომსახურებას 8 400 ლარად შეისყიდის.

სატენდერო პირობების მიხედვით, მიმწოდებელი 30 პირს უნდა მოემსახუროს, სწავლება ხუთი თვის განმავლობაში გაგრძელდება.

მიმწოდებელ კომპანიას  ტენდერით გათვალისწინებული მომსახურების გასაწევად უნდა ჰყავდეს შესაბამისი პროფილის კვალიფიციური სპეციალისტი, კერძოდ, სერტიფიცირებული ჟესტური ენის თარჯიმანი, რომელსაც აქვს სმენადაქვეითებულ პირებთან მუშაობის  გამოცდილება, მას ასევე  გავლილი უნდა ჰქონდეს ტრენინგები მსგავს აქტივობებში.

კომუნიკაციის ნაკლებობაზე, იმის გამო, რომ გარშემომყოფებმა მათი ენა არ იციან, სმენადაქვეითებულმა ბავშვებმა „ბათუმელებთან“ თავად ისაუბრეს. იმავე მიზეზით ხშირად მათთვის მიუწვდომელია სახელმწიფო სერვისებიც კი, რის გამოც ისინი ამბობენ, რომ მათ სახელმწიფო ვერ ხედავს.

 

ვიტანჯები, რომ ოჯახის წევრებს ემოციებს ვერ ვუზიარებ – სმენისარმქონე ლინდას ისტორია

ნეტგაზეთის მასალების სხვა გამოცემებში გადაბეჭდვის წესი
ავტორი