46 ადამიანი გარდაიცვალა თურქეთში ბოლო 24 საათში კორონავირუსით.
თურქეთის ჯანდაცვის მინისტრის ფაჰრეთინ ქოჯას განცხადებით, 31 მარტის მონაცემებით თურქეთის რესპუბლიკაში 214 ადამიანია COVID-19-ით გარდაცვლილი. ამასთან, დაფიქსირდა 2 704 ახალი შემთხვევა.
31 მარტის მონაცემებით, თურქეთის რესპუბლიკაში 13 531 ადამიანია ინფიცირებული COVID-19-ით.
თურქეთის პრეზიდენტმა რეჯეფ ტაიპ ერდოღანმა დაიწყო კამპანია „ჩვენ ერთმანეთისთვის საკმარისი ვიქნებით“. პრეზიდენტის განცხადებით, დაბალი შემოსავლის მქონე მოქალაქეებისთვის თანხის შეგროვება იწყება. ერდოღანის თქმით, ის ფონდში თავისი 7 თვის ხელფასს რიცხავს.
პრეზიდენტმა თურქეთში მცხოვრებ ბიზნესმენებს მოუწოდა, კამპანიაში ჩაერთონ და მოქალაქეების დასახმარებლად თანხები გადარიცხონ.