Batumelebi | ზუგდიდში მარტოხელა პენსიონერებისთვის აქტივისტები თანხას აგროვებენ ზუგდიდში მარტოხელა პენსიონერებისთვის აქტივისტები თანხას აგროვებენ – Batumelebi

ზუგდიდში მარტოხელა პენსიონერებისთვის აქტივისტები თანხას აგროვებენ

ზუგდიდის მუნიციპალიტეტში მცხოვრები პენსიონერებისათვის სამოქალაქო აქტივისტები თანხას აგროვებენ.

საგანგებო მდგომარეობის და საყოველთაო  კარანტინის გამოცხადების შემდეგ ქვეყანაში აკრძალულია შიდაგადაადგილება ნებისმიერი სახის მუნიციპალური ტრანსპორტით. ასეთ დროს  განსაკუთრებით რთულ დღეში ის მოხუცები აღმოჩნდნენ, ვისაც არც საკუთარი ავტომანქანა და არც ტაქსის ფული აქვს.

„ზუგდიდის მუნიციპალიტეტმა ერთი კვირაა დაიწყო სურსათის დარიგება იმ ოჯახებისთვის, რომლებიც სოციალურად დაუცველთა ბაზაში ირიცხებიან და ჰყავთ შეზღუდული შესაძლებლობების მქონე პირები, თუმცა ფაქტია, რომ არც ისე დიდი რესურსების გათვალისწინებით, შესაძლოა, მუნიციპალიტეტი ვერ მისწვდეს ყველა ოჯახს.

ამიტომ არჩილ თოდუამ და მე გადავწყვიტეთ, რომ დავიწყოთ კამპანია მარტოხელა პენსიონერი მოქალაქეების დასახმარებლად ზუგდიდში. 9 აპრილამდე მივიღებთ ნებისმიერი ოდენობის შემოწირულებას მოქალაქეებისგან, რათა აღდგომის წინა დღეებში პენსიონერებს და სოციალურად შეჭირვებულ ოჯახებს პირველადი საჭიროების სურსათი შევუძინოთ და დავურიგოთ,“ –  ამბობს მალხაზ ჭკადუა.

თანხის შეგროვება 30 მარტს დაიწყეს. მოხალისეებმა ორი დღის განმავლობაში 2500 ლარის მობილიზება შეძლეს. მალხაზ ჭკადუა ამბობს, რომ მარტოხელა პენსიონერი მოქალაქეების შესახებ ინფორმაციას ზუგდიდის მერიიდან წამოიღებენ, ხოლო შემოწირულობის და გაწეული ხარჯების შესახებ დეტალურ ინფორმაციას გამოაქვეყნებენ.

სურვილის შემთხვევაში თქვენც შეგიძლიათ დაეხმაროთ მარტოხელა პენსიონერებს ზუგდიდში.

თქვენი დახმარებით,1505 ლარი შეგროვდა ზუგდიდში მცხოვრები მარტოხელა პენსიონრებისთვის <3 აღფრთოვანებული და გახარებულები…

Posted by Malkhaz Chkadua on სამშაბათი, 31 მარტი, 2020

______________

ფოტოზე: არჩილ თოდუა და მალხაზ ჭკადუა, საქველმოქმედო კამპანიის ინიციატორები

ნეტგაზეთის მასალების სხვა გამოცემებში გადაბეჭდვის წესი
ავტორი