Batumelebi | აშშ-ის საავადმყოფოებში ქლოროქინით მკურნალობა ოფიციალურად დასაშვები გახდა აშშ-ის საავადმყოფოებში ქლოროქინით მკურნალობა ოფიციალურად დასაშვები გახდა – Batumelebi

აშშ-ის საავადმყოფოებში ქლოროქინით მკურნალობა ოფიციალურად დასაშვები გახდა

ამერიკის მედიკამენტების რეგულირების სააგენტომ (FDA) დასაშვებად ცნო ქლოროქინის დისტრიბუცია და ამ წამლის საშუალებით მკურნალობა კორონავირუსის განსაზღვრულ შემთხვევებში. გუშინ, 29 მარტს, თეთრ სახლში გამართულ პრესკონფერენციაზე ტრამპმა განაცხადა, რომ „აშშ-ში სიკვდილიანობის პიკი დაახლოებით ორ კვირაში უნდა დადგეს“.

პანდემიისგან აქამდე ყველაზე დაზარალებულ იტალიასა და ესპანეთში დღემდე   უამრავი ინფიცირებული და გარდაცვლილია, თუმცა დიდი ალბათობით, როგორ მსოფლიო ჯანდაცვის ორგანიზაცია ვარაუდობს, შესაძლოა ეს უკვე იყოს პიკი ამ ქვეყნებისთვის. ინფიცირებისა და სიკვდილიანობის  მაჩვენებელმა, წესით, ევროპაში დაღმავალი დინამიკა უნდა აჩვენოს. აშშ-ში კი, სადაც 143 ათასზე მეტი შემთხვევაა დაფიქსირებული, პიკს ორ კვირაში ელიან.

მედიკამენტების რეგულირების ამერიკულმა სააგენტომ (FDA) ქლოროქინი და ჰიდროქსიქლოროქინი დასაშვებ სამკურნალო საშუალებებად ცნო მხოლოდ საავადმყოფოებში და მხოლოდ Covid 19-ით ინფიცირებული პაციენტების სამკურნალოდ. ეს პრეპარატები მალარიის საწინააღმდეგო საშუალებებია, რაზეც ამერიკის პრეზიდენტი, დონალდ ტრამპი დიდ იმედებს ამყარებს.

„არსებობს დიდი მოლოდინი, რომ ეს პრეპარატი დიდ შედეგს მოგვიტანს და იმუშავევს, თუ ასე მოხდა, ციდან მოვლენილი სასწაული იქნება,“ – განაცხადა ტრამპმა 24 მარტს.

პანდემიის საკითხებში ტრამპის მრჩევლის, ენტონი ფაუჩის განცხადებით, კორონავირუსის პირველმა ტალღამ მსოფლიოში მოსალოდნელია, რომ 100 000-დან 200 000-მდე სიცოცხლე შეიწიროს.

ამჯერად აშშ-ში ჯანდაცვის მსოფლიო ორგანიზაციის მონაცემებით, Covid 19-ის 143 055 შემთხვევაა დაფიქსირებული.

ნეტგაზეთის მასალების სხვა გამოცემებში გადაბეჭდვის წესი
ავტორი
თამარ ნერგაძე არის "ბათუმელების" რეპორტიორი 2017 წლის ოქტომბრიდან. ტელ.: 568 81 41 75 / E-mail.: tamarnergadze123@gmail.com