Batumelebi | სპორტული ინვენტარი და საკვები – რის გაყიდვა გაიზარდა პანდემიის ფონზე სპორტული ინვენტარი და საკვები – რის გაყიდვა გაიზარდა პანდემიის ფონზე – Batumelebi

სპორტული ინვენტარი და საკვები – რის გაყიდვა გაიზარდა პანდემიის ფონზე

მას შემდეგ, რაც ჯანდაცვის მსოფლიო ორგანიზაციამ COVID-19-ის აფეთქება გლობალურ პანდემიად შეაფასა, ვირუსის გავრცელების შესაჩერებლად მსოფლიო მასშტაბით მიღებულმა ზომებმა, რომლის ერთ-ერთი მთავარი ნაწილიც სოციალური დისტანცირებაა, ბევრი რამ შეცვალა ყოველდღიურ ცხოვრებაში. შეიცვალა მსოფლიო მოსახლეობის ქცევა სურსათისა თუ სხვა სახის პროდუქციის შეძენასთან დაკავშირებით. აშშ-სა და ევროპაში იზოლაციაში მყოფი მოსახლეობა ახლა უფრო ხშირად სარგებლობს ონლაინ მაღაზიების სერვისებით.

კომპანია Sellics, რომელიც Amazon-ის საძიებო სისტემისა და რეკლამის წამყვანი კომპანიაა, აქვეყნებს რაოდენობრივ და ხარისხობრივ კლვევებზე, ასევე რთულ ანალიტიკურ მოდელებზე დაყრდნობით მომზადებულ ანალიზს, თუ როგორი ზეგავლენა იქონია პანდემიამ Amazon-ის ონლაინ ვაჭრობაზე, კერძოდ – როგორ შეიცვალა მომხმარებლის მოთხოვნა და რას ყიდულობენ ადამიანები სხვადასხვა ქვეყნიდან Amazon-ის  ბაზრობებზე, ახალი კორონავირუსის პანდემიის პირობებში.

Sellics-მა პანდემიისგან ყველაზე მეტად დაზარალებული, რამდენიმე ქვეყნის [აშშ, იტალია, გერმანია] ონლაინ ბაზარი მოიკვლია და თითოეული ბაზრისთვის შემდეგ ყველაზე გაყიდვად კატეგორიებს დააკვირდა:

სურსათი და სახლის პირველადი მოხმარების ნივთები;

  • საკვებისა და სახლის მოვლა (+ 47% იტალიაში)
  • სასურსათი და გურმანული საკვები (+ 26% აშშ-ში, + 34% გერმანიაში)

გადარჩენის კატეგორია

ეს კატეგორია დღევანდელ ვითარებაში გულისხმობს ნივთებს, რომლებიც შეიძლება დაგვეხმაროს ვირუსისგან თავის დაცვაში, იქნება ეს სამედიცინო ინვენტარი თუ ოთახში ჰაერის გამწმენდი მოწყობილობები.

  • ჯანმრთელობა და ოჯახი (+ 13% აშშ-ში)
  • ჯანმრთელობა და თავის მოვლა (+ 19% გერმანიაში)
  • საყოფაცხოვრებო ტექნიკა (+ 14% აშშ-ში) – მათ შორის ძირითადი წვლილი მოდის ჰაერის გამწმენდებზე (+ 74%)
  • ბიზნესი; მრეწველობა და მეცნიერება (+ 39% იტალიაში – ქვეკატეგორიით „ჯანმრთელობისა და უსაფრთხოების პროდუქტები“ + 98%)

ეზოს ინვენტარი

იზოლაციისა და კარანტინის პირობებში აღმოჩნდა, რომ ადამიანებმა იმ ადგილების უკეთ მოწყობა გადაწყვიტეს, სადაც საკმაოდ დიდი დროის გატარება მოუწევთ – ეს სახლი და ეზოა:

  • ეზო, გაზონი და ბაღი (+44% იტალიაში, +35% გერმანიაში, +9% აშშ-ში).

გართობა და აქტივობები

ცხადია, ადამიანები ასეთ ვითარებაში თავის შესაქცევს ეძებენ:

  • ვიდეო თამაშები (+31% გერმანიაში)
  • სათამაშოები და თამაშები (+10% აშშ-ში, +36% გერმანიაში, +30% იტალიაში)

ფიტნესი და სპორტული აქტივობები

სოციალური დისტანცირება სრულად სახლში გამოკეტვას არ ნიშნავს. გაიზარდა სპორტული ინვენტარის გაყიდვები, როგორც დახურულ სივრცეში სავარჯიშოდ, ისე გარეთ (სოლო) ფიზიკური აქტოვობისთვის:

  • სპორტი და აქტიური დასვენება (+236% იტალიაში, +35% გერმანიაში)

Sellics წერს, რომ მათი გათვლით, ეს მაჩვენებელი აშშ-ში და გერმანიაშიც მალე მოიმატებს.

ასე გამოიყურება ამ სამი ქვეყნის ონლაინ შოპინგის ქვეკატეგორიები:

 

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან