BBC-ის ცნობით, აშშ-ის პრეზიდენტი, დონალდ ტრამპი კორონავირუსზე შეამოწმეს. პრეზიდენტის ექიმმა, შონ კოლნიმ განაცხადა, რომ ანალიზის პასუხი უარყოფითია, ტრამპს კორონავირუსი არ აქვს.
ტრამპმა COVID-19-ზე ანალიზის ჩაბარება ბრაზილიის პრეზიდენტთან, ბოლსონაროსთან შეხვედრის შემდეგ გადაწყვიტა. მედიაში გავრცელდა ინფორმაცია, რომ ბოლსონაროს კორონავირუსი აქვთ, თუმცა ამ ინფორმაციას ბრაზილიის პრეზიდენტი უარყოფს. მედია ასევე წერს, რომ ბოლსონაროს დელეგაციის მინიმუმ 5 წევრი კორონავირუსითაა ინფიცირებული. COVID-19-ის სიმპტომები აღმოაჩნდა ბრაზილიის პრეზიდენტის პრესსამსახურის უფროსსაც.
მსოფლიო ჯანდაცვის ორგანიზაციის ცნობით, ბოლო 24 საათში მსოფლიოში [ჩინეთის გარდა] კორონავირუსით ინფიცირების 9 700 ახალი შემთხვევაა დადასტურებული. მსოფლიოში COVID-19 სულ 142 ათას ადამიანს აქვს, გარდაიცვალა 5 393 ადამიანი.
აშშ-ში COVID-19-ის 2 655 შემთხვევაა აღრიცხული 49 შტატში.
