შემოსავლების სამსახური 350 000 ლარის ნივთებს შეიძენს – კორონავირუსის პრევენცია

ფინანსთა სამინისტროს შემოსავლების სამსახური გამშვებ პუნქტებზე სასაზღვრო-საკარანტინო კონტროლის გამკაცრების გამო გადაუდებელი შესყიდვის უფლებას ითხოვს. სამსახურის  განმარტებით,  შესყიდვა  კორონავირუსის დაავადების გავრცელების პრევენციული ღონისძიებების, ასევე, დაავადების გამოვლენის შემთხვევაში, მასზე რეაგირების აუცილებელი ღონისძიებებისთვის სჭირდება.

სამსახური შეისყიდის სამედიცინო ტანსაცმელს, ხსნარებს, ბოთლებს, დოლბანდებს და სხვა საჭირო ნივთებს. იხილეთ სრული ჩამონათვალი ცხრილის სახით:

შემოსავლების სამსახურმა ასევე გაავრცელა განცხადება, რომ საერთაშორისო მიმოსვლისთვის გახსნილ საზღვაო პორტებში, აეროპორტებსა და სახმელეთო საბაჟო კონტროლის ზონებში სანიტარულ-საკარანტინო კონტროლს ახორციელებენ შემოსავლების სამსახურის უფლებამოსილი პირები, რომლებსაც აქვთ ზოგადი პროფილის ექიმი პროფილაქტიკოსის, ექიმი ეპიდემიოლოგის ან ექიმი ჰიგიენისტის კვალიფიკაცია.

მთავრობის სამოქმედო გეგმის მიხედვით შემოსავლების სამსახურის საბაჟო დეპარტამენტს ევალება, რისკჯგუფის ქვეყნებში [ჩინეთი, ირანი, სამხრეთ კორეა, იტალია] გადაადგილებული ყველა მგზავრის, საავტომობილო საშუალების მძღოლის თერმოსკრინინგი და საჭიროების შემთხვევაში მათ მიმართ მგზავრის სააღრიცხვო ბარათის შევსება.

ამ თემაზე:

შემოსავლების სამსახურის განცხადება კორონავირუსის შესახებ

მთავარი ფოტო: სასაზღვრო-გამშვები პუნქტი „სარფი / შემოსავლების სამსახურის ფოტო არქივიდან
ნეტგაზეთის მასალების სხვა გამოცემებში გადაბეჭდვის წესი
ავტორი