საქართველოს ჯანდაცვის სამინისტროსთან არსებული დევნილთა და ეკომიგრანტთა სააგენტო, 25 000 ლარის ფარგლებში, საცხოვრებელ სახლებს ამ ეტაპზე 17 ეკომიგრანტ ოჯახს შეუსყიდის. აქედან 2 ოჯახი აჭარიდანაა [ხულოს მუნიციპალიტეტის სოფელ ბეღლეთიდან და სოფელ რიყეთიდან].
სააგენტოს ინფორმაციით, ეკომიგრანტი ოჯახების განსახლების საკითხების მარეგულირებელმა კომისიამ 40 განაცხადი კრიტერიუმების შესაბამისად განიხილა და 17 სახლის შესყიდვის თაობაზე დადებითი გადაწყვეტილება მიიღო.
„აღნიშნულ ოჯახებს, საქართველოს ნებისმიერ რეგიონში, საცხოვრებელი ფართობის შერჩევისთვის ერთთვიანი ვადა აქვთ. სააგენტო სტიქიური მოვლენების შედეგად დაზარალებულ ოჯახებს სახლსა და საკარმიდამო მიწის ნაკვეთს, 25 000 ლარის ფარგლებში, შეუსყიდის. ეკომიგრანტი ოჯახის მიერ შერჩეულ საცხოვრებელს ღირებულების დადგენის მიზნით ექსპერტიზა ჩაუტარდება.“ – აცხადებს დევნილთა და ეკომიგრანტთა სააგენტო.
სააგენტოს ინფორმაციით, 2020 წელს „უსაფრთხო გარემოში სტიქიური მოვლენების შედეგად დაზარალებული 250-მდე ოჯახი განსახლდება“.
![ბათუმში მეზღვაურთა საერთაშორისო დღე აღინიშნება, რისთვისაც ნახევარი მილიონი ლარი დაიხარჯება [ფოტო]](https://batumelebi.netgazeti.ge/wp-content/uploads/2026/06/11.png "ბათუმში მეზღვაურთა საერთაშორისო დღე აღინიშნება, რისთვისაც ნახევარი მილიონი ლარი დაიხარჯება [ფოტო]")
