კაცი ცოლს მოსამართლის თვალწინ მოკვლით დაემუქრა – განაჩენი

სასამართლო სხდომის დარბაზში და მოსამართლის თვალწინ ცოლზე მუქარისთვის ფოთში მცხოვრებ გ.წ.-ს ერთი წლით და 6 თვით თავისუფლების აღკვეთა მიუსაჯეს. განაჩენი მოსამართლე დავით გელაშვილმა მიიღო.

განაჩენის მიხედვით, ბრალდებული ცოლს არსებითი განხილვის სხდომაზე დაემუქრა მოკვლით. ბრალდებული მიიჩნევდა, რომ ქალმა არასწორი ჩვენება მისცა სასამართლოს. მანამდე პოლიციელებს გ.წ.-ს შემაკავებელი ორდერი ჰქონდათ გამოცემული.

„სასამართლო სხდომაზე მოწმის სახით დაკითხვისას ბრალდებულმა გ. წ.-მ განმარტა, რომ სასამართლო პროცესის დრო იყო სტრესში… რა და როგორ თქვა არ ახსოვს ზუსტად,“ – აღნიშნულია განაჩენში.

ფოთის საქალაქო სასამართლომ გ.წ. სისხლის სამართლის კოდექსის იმ მუხლის მიხედვით გაასამართლა, რომელიც ითვალისწინებს სასამართლოში საქმის განხილვასთან დაკავშირებით სამართალწარმოების მონაწილის მიმართ სიცოცხლის მოსპობით მუქარას.

ნეტგაზეთის მასალების სხვა გამოცემებში გადაბეჭდვის წესი
ავტორი