დღეს, 12 თებერვალს, „ერთიანი ნაციონალური მოძრაობის“ ახალგაზრდულმა ფრთამ აჭარის მთავრობის სახლთან პროპორციული არჩევნების მოთხოვნით აქცია გამართა.
„დაგვიბრუნეთ პროპორციული არჩევნები”, „კორუმპირებული მთავრობა“, „სისტემა ყარს“ – ეწერა საპროტესტო პლაკატებზე.
„როგორც რიჟვაძემ უთხრა 2019 წელს ენმ-ს „ჩაო ნაციონალურო მოძრაობაო“, ისე ეტყვის ქართველი ამომრჩეველი ქართულ ოცნებას ჩაოს 2020-ის არჩევნებზე, ” – განაცხადა აქციის ერთ-ერთმა მონაწილემ ლაშა შავაძემ.
აქციის მონაწილეებმა აჭარის მთავრობის თავმჯდომარესთან შეხვედრა მოითხოვეს, თუმცა თორნიკე რიჟვაძე აქციის მონაწილებს არ შეხვედრია.
აქცია აჭარის მთავრობასთან. ფოტო: „ბათუმელები“/მანანა ქველიაშვილი
