საქართველოს გარემოს დაცვისა და სოფლის მეურნეობის სამინისტროს წინასწარი ინფორმაციით, მანდარინის მოსავლის რაოდენობამ 50 ათას ტონას გადააჭარბა, ხოლო ექსპორტმა, გასული წლის სექტემბერ-იანვრის თვეში, 31 ათასი ტონა შეადგინა, რაც 5%-ით აღემატება 2018 წლის ანალოგიური პერიოდის მაჩვენებელს.
2019 წელს მანდარინის ყველაზე დიდი ექსპორტი შემდეგ ქვეყნებში განხორციელდა:
• რუსეთში – 20 000 ტ.
• უკრაინაში – 5 200 ტ.
• სომხეთში – 4 400 ტ.
• ბელარუსში – 319 ტ.
• ყაზახეთში – 140 ტ.
• ყირგიზეთში – 58 ტ.
გარემოს დაცვისა და სოფლის მეურნეობის სამინისტროს ინფორმაციით, საექსპორტო ქვეყნებს წელს დაემატა სლოვენია, მოლდოვა, ლიეტუვა, პოლონეთი, ყატარი და სინგაპური.
სამინისტროს მონაცემებით, სამრეწველო გადამუშავებისთვის ქარხნების მიერ მიღებული არასტანდარტული მანდარინის რაოდენობამ, 19 იანვრის მდგომარეობით, 10 ათასი ტონა შეადგინა.
