ფრანკფურტის ზოოპარკში დედა მაიმუნი რამდენიმე დღის განმავლობაში ხელიდან არ უშვებდა თავის გარდაცვლილ შვილს. მკვლევარები ვარაუდობენ, რომ შიმპანზეები ისევე გლოვობენ, როგორც ადამიანები.
როგორც გერმანული გამოცემა „შპიგელი“ ფრანკფურტის ზოოპარკზე დაყრდნობით წერს, დედა მაიმუნს 1-ელ იანვარს დაღუპული შვილი ოთხშაბათამდე ხელში ჰყავდა. შემდეგ კი ის სხვა მაიმუნს გადასცა.
ზოოპარკის თანამშრომლებმა უკვე შეძლეს ცხედრის გამოტანა. ჯერჯერობით უცნობია, რატომ დაიღუპა პატარა.
2010 წელს მკვლევარები შეთანხმდნენ, რომ შიმპანზეები ისევე გლოვობენ, როგორც ადამიანები.
წყარო და ფოტო: spiegel