განათლებისა და მეცნიერების სამინისტროს ინფორმაციით, 2020 წლიდან შრომის ანაზღაურება გაეზარდა პროფესიული სასწავლებლების 2 515 პედაგოგს და ერთი სამუშაო საათში ისინი 15 ლარს მიიღებენ.
„აღნიშნული ზრდა 2020 წლის იანვრიდან შეეხება ყველა მასწავლებელს, რომელიც დასაქმებულია პროფესიული საგანმანათლებლო პროგრამების განმახორციელებელ საჯარო დაწესებულებაში (კოლეჯი, უნივერსიტეტი, სკოლა) ან იმ კერძო სასწავლებელში, სადაც ირიცხებიან პროფესიული სტუდენტები სახელმწიფო დაფინანსებით. ეს ცვლილება პროფესიულ განათლებაში კერძო სექტორიდან, წარმოებიდან პროფესიონალი კადრების მოზიდვის საშუალებას იძლევა“, – წერია უწყების მიერ მოწოდებულ ინფორმაციაში.
სამინისტროს ინფორმაციით, მასწავლებელთა თვიური ანაზღაურება დამოკიდებულია საათობრივ დატვირთვაზე: „მათი საშუალო თვიური ანაზღაურება… ზრდის შემთხვევაში ის მიაღწევს დაახლოებით 1800 ლარს“.
