ბათუმში, ჭავჭავაძის N19-ში [ჭავჭავაძისა და 9 მარტის ქუჩების კვეთა] მდებარე შენობა ამ ეტაპზე უფუნქციოდაა და ფაქტობრივად სანაგვედაა ქცეული. შენობა კულტურული მემკვიდრეობის ძეგლია და ის დღეს სააქციო საზოგადოება „ენერგო-პრო ჯორჯიას“ საკუთრებაშია. აქ ენერგოკომპანიის ერთ-ერთი ოფისი იყო განთავსებული, თუმცა, კომპანიაში გვითხრეს, რომ რამდენიმე წელია სხვა მისამართზე გადავიდნენ.
„ცუდია, რომ ასეთ მდგომარეობაშია… ამ შენობის შიდა პროექტი იმდენად გამოუსადეგარია, რომ ამ ეტაპზე შეუძლებელია იქ რაიმე საქმიანობა განვახორციელოთ, ამიტომ არის დროებით დაკეტილი. ეტაპობრივად ხდება მოწესრიგება, მაგრამ, რადგან მეთვალყურე არ გვყავს ცარიელი შენობის დასაცავად, ალბათ, მოხდა შუშების ჩამტვრევა, ნაგავის დაყრა… უახლოეს პერიოდში ჩავსვამთ მინებს და მოვაწესრიგებთ.“ – გვითხრეს „ენერგო-პრო ჯორჯიაში“