ჯანდაცვის მინისტრი თურქეთში ავარიაზე: დაშავებულები კლინიკაში გადაიყვანეს

„დაშავებულები კლინიკებში გადაიყვანეს, ჩვენი ინფორმაციით, მსხვერპლი არ არის,“ – გვითხრა აჭარის ჯანდაცვის მინისტრმა, ზაალ მიქელაძემ. ის ტრაბზონში საქართველოს საკონსულოს წარმომადგენელს ესაუბრა. ზაალ მიქელაძის ინფორმაციით, დაშავებულთა ზუსტი რაოდენობის შესახებ ჯერჯერობით ინფორმაცია აქ აქვთ.

ავტოსაგზაო შემთხვევა დღეს, 30 დეკემბერს, სტამბოლთან მისვლამდე 150 კილომეტრის დაშორებით მოხდა. ავტობუსს თბილისიდან მიჰყავდა მგზავრები თურქეთში. წინასწარი ინფორმაციით, ავტობუსი ტრაილერს შეეჯახა.

მომხდარზე ინფორმაცია ჯერ არ აქვთ ბათუმში, თურქეთის საკონსულოში.

შენიშვნა: აჭარის ჯანდაცვის სამინისტროს დაზუსტებული ინფორმაციით, გარდაცვლილი და მძიმედ დაზარალებული თურქეთის მოქალაქეები არიან.

მთავარი ფოტო: ავარია თურქეთში, sondakika.com

ნეტგაზეთის მასალების სხვა გამოცემებში გადაბეჭდვის წესი
ავტორი