ბათუმში „მაგნოლია 2019“-ის დაჯილდოების ცერემონიაზე საუკეთესო ტურისტული სერვისის მიმწოდებლები გამოვლინდნენ.
ბათუმის ბულვარმა ტურიზმის დაჯილდოებაზე რეგიონის „ყველაზე ხშირად ვიზიტირებადი ტურისტული ადგილის“ ტიტული წარდგენილ 13 ნომინანტს შორის მოიპოვა.
მაგნოლია 2019
გარდა ამისა, სსიპ „ბათუმის ბულვარი“ აჭარის ტურიზმისა და კურორტების დეპარტამენტის მიერ მადლობის სიგელით დაჯილდოვდა მიმდინარე წელს განხორციელებული ადაპტირებული საპლაჟო ინფრასტრუქტურული პროექტისათვის, როგორც განსაკუთრებული სოციალური პასუხისმგებლობა და ინკლუზიური ტურიზმის ხელშეწყობა.
მაგნოლია 2019
აგრეთვე, „მაგნოლია 2019“-ის დაჯილდოების ცერემონიაზე გამოვლინდნენ აჭარაში შემდეგი საუკეთესო ტურისტული სერვისის მიმწოდებლები:
[checklist]
- საუკეთესო ქართული, არაბრენდული სასტუმრო – „ადმირალი“
- საუკეთესო ბრენდული სასტუმრო – „ჰილტონ ბათუმი“
- საუკეთესო ჰოსტელი – „ბექთუმი“ Back2me
- საუკეთესო რესტორანი – „რეტრო“
- ყველაზე ხშირად ვიზიტირებადი ატრაქცია – დელფინარიუმი
- საუკეთესო საოჯახო სასტუმრო სოფლად – „ზებო“
- საუკეთესო ტურისტული სააგენტო – „აჭარა ტური“
- საუკეთესო გიდი – სალომე გორგილაძე
- ყველაზე ხშირად ვიზიტირებადი მუზეუმი – გონიო-აფსაროსის ციხე-მუზეუმი
- ყველაზე ხშირად ვიზიტირებადი ტურისტული მარშრუტი – ბათუმის ქალაქის ტური
- საუკეთესო ღვინის მარანი – ვაჟა დავითაძის მეღვინეობა და მარანი
- ყველაზე საინტერესო ღონისძიება – სოფლის ტურიზმის ფესტივალი
[/checklist]
მაგნოლია 2019
დაჯილდოების ღონისძიება „მაგნოლია“ ყოველწლიურად იმართება აჭარის ტურიზმისა და კურორტების დეპარტამენტის ორგანიზებით. ღონისძიების მიზანი ტურისტული სექტორის წახალისება და რეგიონში სერვისის გაუმჯობესებაა.
