Batumelebi | ბათუმის „დინამოს“ კაპიტანმა უსინათლო გულშემატკივარს გუნდის ვერცხლის მედალი გადასცა ბათუმის „დინამოს“ კაპიტანმა უსინათლო გულშემატკივარს გუნდის ვერცხლის მედალი გადასცა – Batumelebi

ბათუმის „დინამოს“ კაპიტანმა უსინათლო გულშემატკივარს გუნდის ვერცხლის მედალი გადასცა

„დინამო ბათუმის“ კაპიტანმა ვაკო თევდორაძემ 2019 წლის ეროვნულ ლიგაზე მოპოვებული ვერცხლის მედალი ზაალ დევაძეს გადასცა, „დინამოს“ უსინათლო, ერთგულ გულშემატკივარს.

„ზაალ დევაძე ყველა საშინაო შეხვედრას დაესწრო და როგორც ამბობს, ვერაფერი დაინახა, თუმცა ყველა ეპიზოდი იგრძნო,“ – აღნიშნულია „დინამო ბათუმის“ ფეისბუქგვერდზე გავრცელებულ ვიდეომასალაში. 

„მინდა მოგილოცოთ ვერცხლის მედალი, ჩვენ, ქართველები მაქსიმალისტები ვართ და უფრო მეტი გვინდა, ჩემპიონობა ბათუმის დინამომ უნდა იზეიმოს. ყველას უღრმესი მადლობა,“ – განაცხადა ზაალ დევაძემ. იგი ბათუმის „დინამოს“ 1979 წლიდან გულშემატკივრობს.

წელს ბათუმის „დინამო“ ეროვნული ლიგის ვიცე-ჩემპიონი გახდა.

 

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.