მუნიციპალური ინფრატრუქტურის რეაბილიტაცია 2020 წელსაც ბათუმის მერიის ერთ-ერთი პრიორიტეტია. 2020 წლის ბიუჯეტის პროექტის მიხედვით ამ მიმართულებით 58 მილიონ 387 000 ლარი დაიხარჯება.
მომავალ წელს მერია ე.წ. “ჭაობის დასახლების” ქუჩების კეთილმოწყობას დაიწყებს, კონკრეტულად კი, ბიუჯეტის პროექტის მიხედვით, მომავალ წელს დაგეგმილია შემდეგი ქუჩების სარეაბილიტაციო სამუშაოების შესყიდვა:
- ვაჟა-ფშაველას ქუჩის მონაკვეთი [ლადო ასათიანის ქუჩიდან ბაგრატიონის ქუჩამდე]
- ლუკა ასათიანის ქუჩის მონაკვეთი [ვარშანიძის ქუჩიდან ბაგრატიონის ქუჩამდე]
- ჰ. აბაშიძის ქუჩის მონაკვეთი [ლადო ასათიანის ქუჩიდან ბაგრატიონის ქუჩამდე]
- აჭარისწყლის შესახვევის კეთილმოწყობა
- ბაგრატიონის ჩიხის კეთილმოწყობა
- გონიოს ქუჩის კეთილმოწყობა
- თევრათ გორგილაძის ქუჩის კეთილმოწყობა
- ლადო ასათიანის ჩიხის კეთილმოწყობა
- ლუკა ასათიანის შესახვევის კეთილმოწყობა
- მ. ვარშანიძის შესახვევის კეთილმოწყობა
- პ. მელიქიშვილის ჩიხის კეთილმოწყობა
- ლ. გელაძის ქუჩის კეთილმოწყობა
- პ. მელიქიშვილის II შესახვევის კეთილმოწყობა
- ნანა გვარიშვილის ქუჩის კეთილმოწყობა
- ს. ხიმშიაშვილის ქუჩის N109-113-ის მონაკვეთის კეთილმოწყობა
- ურეხის ქუჩის კეთილმოწყობა
- ურეხის ჩიხის კეთილმოწყობა
- დემეტრე თავდადებულის შესახვევის კეთილმოწყობა
- მ. ვარშანიძის I შესახვევის კეთილმოწყობა
- გიორგი ბრწყინვალეს ქუჩა
რაც შეეხება სხვა უბნებს, 2020 წლის ბიუჯეტის პროექტის მიხედვით აღმაშენებლის ადმინისტრაციულ ერთეულში გაგარინის ქუჩის მონაკვეთის კეთილმოწყობაა დაგეგმილი, ბონი-გოროდოკის დასახლებაში კი დაიწყება ალექსანდრე ჩხაიძის ქუჩის კეთილმოწყობისა [ფეხით სავალი ნაწილი ერთ მხარეს, ჯიბეები] და ამავე ქუჩის გაგრძელების სამუშაოები იაშვილიდან ერისთავის ქუჩამდე. ასევე იოსელიანის, ერისთვის შესახვევისა და II ჩიხის, ა. ნოღაიდელის, იაშვილის, კაიკაციშვილის, იუნკერების, დადიანის და თაყაიშვილის ქუჩების სარეაბილიტაციო სამუშაოები.
ჯავახიშვილის ადმინისტრაციულ ერთეულში მერია შეისყიდის ლერმონტოვის ქუჩის გენერალ აბაშიძის ქუჩამდე [ხორცკომბინატის მიმდებარედ არსებული სანიაღვრე არხის მოწყობა] გაგრძელებისა და სულხან საბა ორბელიანის ქუჩის კეთილმოწყობის სამუშაოებს.
ხიმშიაშვილის ადმინისტრაციულ ერთეულში დაგეგმილია ჯავახიშვილისა [ტბელ აბუსერიძის ქუჩიდან შ. ხიმშიაშვილის ქუჩამდე] და ჟილინის არხის მიმდებარე ქუჩების კეთილმოწყობა[მათ შორის ინასარიძის ქუჩის გაგრძელება].
თამარის ადმინისტრაციულ ერთეულში დაგეგმილია ე.წ. „ბარცხანის“ ხიდის რეაბილიტაცია. აეროპორტის ადმინისტრაციულ ერთეულში ქუჩების ანგისის პირველი შესახვევის მონაკვეთების კეთილმოწყობა, [აეროპორტის გზატკეცილი #238-დან #252-მდე ქუჩის კეთილმოწყობა, აეროპორტის გზატკეცილი #219-დან #235-მდე ქუჩის კეთილმოწყობა].
ბაგრატიონი 2-ის ადმინისტრაციულ ერთეულში დაიწყება ჯავახიშვილის I და II შესახვევების რეაბილიტაცია გუდიაშვილის ქუჩის სარეაბილიტაციო სამუშაოები. დაგეგმილია ოძელაშვილის ქუჩის რეაბილიტაციაც.
__________
ფოტო: ბათუმის მერია
