Batumelebi | მეთევზეებმა სარფში იშვიათი სახეობის თევზი იპოვეს მეთევზეებმა სარფში იშვიათი სახეობის თევზი იპოვეს – Batumelebi
RU | GE  

მეთევზეებმა სარფში იშვიათი სახეობის თევზი იპოვეს

ოქტომბრის ბოლოს სარფში მეთევზეებმა შავი ზღვის აუზისთვის იშვიათი სახეობის თევზი ბოპსი: Boops boops (Linnaeus, 1758) დაიჭირეს. თევზის ფოტო ბიოლოგიის დოქტორმა, ასოციაცია „ფლორა და ფაუნას“ გამგეობის თავმჯდომარემ, არჩილ გუჩმანიძემ გაავრცელა ფეისბუქში.

ბოპსი ძირითადად ატლანტის ოკეანეში, ასევე, ხმელთაშუა ზღვასა და შავ ზღვაში გვხვდება.

არჩილ გუჩმანიძე ამბობს, რომ საქართველოს სანაპიროზე თევზის ეს სახეობა, მხოლოდ ერთი ეგზემპლარი ბოლოს ქობულეთის აკვატორიაში ნახა 2009 წელს.

„ეს თევზი საქართველოს წყლებში ძალზე იშვიათია. მისი მოპოვების სულ რამდენიმე დადასტურებული შემთხვევაა ცნობილი. ფაქტი კიდევ ერთხელ ადასტურებს (მორმირის შემდეგ) მედიტერანიზაციის [შავი ზღვის გახმელთაშუაზღვისპირების] პროცესის გააქტიურებას. მორმირი უკვე კარგად დამკვიდრდა შავი ზღვის იქთიოფაუნაში, ვნახოთ, რა განვითარება ექნება ამ სახეობის გამოჩენას ჩვენს წყლებში,“ – წერს არჩილ გუჩმანიძე.

მორმირი ზღვის კარჩხანაა, რომელიც ბოლო წლებში მომრავლდა შავ ზღვაში.

__________________

ფოტო: ლევან მესხიძე

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com