აჭარის მთავრობის ინფორმაციით, ძლიერი წვიმის შედეგად აჭარის მუნიციპალიტეტებში განვითარებული მეწყერული პროცესების გამო, საცხოვრებელი სახლი 10-მა ოჯახმა დატოვა. ოჯახები უსაფრთხო ადგილზე გადაიყვანეს.
ორი-ორი ოჯახია უსაფრთხო ადგილზე გადაყვანილი ბათუმიდან, ქედიდან, ქობულეთიდან, ხელვაჩაურდან და შუახევიდან.
უხვი ნალექის შედეგად აჭარის სამ მუნიციპალიტეტში – ხელვაჩაურში, ქედასა და ქობულეთში, მეწყრული პროცესები განვითარდა. ადიდებულია მდინარეები.
წვიმის შედეგად დაიტბორა ქობულეთში, გელაურის დასახლებაში საცხოვრებელი სახლების ეზოები.
შექმნილია სტიქიის სალიკვიდაციო შტაბი, რომელიც არსებულ მდგომარეობას სწავლობს. ამ ეტაპზე მიმდინარეობს ინტენსიური ამოტუმბვითი სამუშაოები. სამუშაოებში ჩართულია მუნიციპალური სამსახურები.
