მთავარი,სიახლეები

უხვი ნალექი და ორი მეწყერი აჭარაში – 112-ში ბათუმიდან 60-მდე გამოძახება დაფიქსირდა

31.10.2019 • 1976
უხვი ნალექი და ორი მეწყერი აჭარაში – 112-ში ბათუმიდან 60-მდე გამოძახება დაფიქსირდა

30-31 ოქტომბერს აჭარაში მოსული უხვი ნალექის გამო 112-ში 60-მდე გამოძახება დაფიქსირდა. გამოძახების უმრავლესობა ძირითადად ეზოებისა და საცხოვრებელი სახლების პირველი სართულების დატბორვას შეეხებოდა – განცხადებას საგანგებო სიტუაციების მართვის სამსახური ავრცელებს.

ძლიერი წვიმის გამო კალაპოტიდან გადმოვიდა მდინარე მეჯინისწყალი, რამაც ახლოს მდებარე ქუჩების დატბორვა გამოიწვია.

საგანგებო სიტუაციების მართვის სამსახურის ინფორმაციით, შემთხვევის ადგილებზე მობილიზებული იყო როგორც მაშველთა, ასევე, პოლიციის ჯგუფები.

მოსახლეობისთვის საფრთხის შემცველი ტერიტორიებიდან მთელი ღამის განმავლობაში მიმდინარეობდა მოქალაქეების გამოყვანა. ევაკუაციის პროცესში, სხვა საჭირო ტექნიკასთან ერთად, ჩართული იყო სამაშველო ნავი.

აჭარაში, ასევე, დაფიქსირდა მეწყრის ორი შემთხვევა და დაზიანდა ერთი ხიდი. აღნიშნულთან დაკავშირებით ინფორმირებულნი არიან ადგილობრივი ხელისუფლების წარმომადგენლები და მიმდინარეობს შესაბამისი სამუშაოები. შემთხვევების შედეგად არავინ დაშავებულა.

ამ დროისთვის რამდენიმე ადგილას გრძელდება წყლის ამოტუმბვა.

გადაბეჭდვის წესი


ასევე: