აჭარის სოფლის მეურნეობის მინისტრის მოადგილემ, მამუკა თურმანიძემ, თანამდებობა დატოვა. ის „ბათუმელებთან“ კონკრეტულ მიზეზს არ ასახელებს, თუ რატომ მიიღო მინისტრმა ეს გადაწყვეტილება. თუმცა დასძენს, რომ იყო „კომპლექსური საკითხები“, რაზეც მას განსხვავებული პოზიციები ჰქონდა.
„სამუშაო პროცესს ბუნებრივია ახლავს საკითხებისადმი განსხვავებული დამოკიდებულება, ის არის კომპლექსური მიმართულება და ეს თემა დამატებით განხილვას არ საჭიროებას“, – გვითხრა მან.
მამუკა თურმანიძე ამბობს, რომ სამეცნიერო-საგანმანათლებლო სფეროში აპირებს მუშაობის გაგრძელებას. ის სოფლის მეურნეობის სამინისტროში წლების განმავლობაში მუშაობდა, მინისტრის მოადგილის პოსტზე კი ტიტე აროშიძის მინისტრობის დროს დაინიშნა.
