მთავარი,რეკლამა,სიახლეები

ბათუმის ბულვარში სეზონური ყვავილების დარგვა დაიწყო

16.10.2019 • 1894
ბათუმის ბულვარში სეზონური ყვავილების დარგვა დაიწყო

ბათუმის ბულვარში შემოდგომა -ზამთრის სეზონურად მოყვავილე ერთწლოვანი ყვავილების ჩითილების დარგვა მიმდინარეობს.

„გამწვანებისა და ლანდშაფტური დაგეგმარები“-ს სამსახურის თანამშრომლების მიერ საყვავილე კლუმბებსა და მწვანე სივრცეებში ქრიზანთემას, ვიოლას, მიხაკისა და პრიმულას ახალი ნერგები ირგვება. დარგვით სამუშაოებამდე, არსებულ საყვავილე კლუმბებს მოსამზადებელი სამუშაოები ჩაუტარდა. მოხდა სეზონურად მოყვავილე ერთწლოვანი ყვავილების ამოღება, ნიადაგის დამუშავება, გაფხვიერება და სარეველებისაგან გაწმენდა.

საშემოდგომო დარგვების ფარგლებში, ბულვარის მცენარეთა საფარს 300 ათასამდე ერთწლოვანი ყვავილი შეემატება და ბულვარის მთლიან პერიმეტრზე გამწვანებითი ღონისძიებები  ოქტომბრის თვის ბოლომდე გაგრძელდება.

ბულვარის გამწვანების სამსახურის მიერ ჩატარდა მნიშვნელოვანი სამუშაოები, რაც წლის განმავლობაში იყო გათვალისწინებული. მებაღეების მიერ ყოველდღიურად ითოხნება და ნიადაგი უფხვიერდება 13 500 ხე-მცენარეს. აღნიშნული სამუშაოების პარალელურად, ტარდება 35 ჰექტარზე გაზონების გაცელვა, ნიადაგში ორგანული სასუქის შეტანა, საყვავილე კლუმბების გაწმენდა, მცენარეების მორწყვა და სხვა მოვლითი სამუშაოები. წელიწადში ოთხჯერ სოკოვანი და მავნებელ დაავადებათა წინააღმდეგ 15 000 ძირ ხე-მცენარეს ჩაუტარდა 4-ჯერადი წამლობა.

აღსანიშნავია, რომ მიმდინარე წელს ბათუმის ბულვარის მცენარეთა საკმაოდ მდიდარი გენოფონდი სხვადასხვა ჯიშის 4000 ძირზე მეტი მარადმწვანე და დეკორატიული ხე-მცენარით გამდიდრდა. განახლდა საყვავილე კლუმბები, მეჩხერიანობის სალიკვიდაციოდ გამორგული იქნა 856 ძირი, კერძოდ: წითელი ნეკერჩხალი, უთხოვარი, ტუია, მარადმწვანე მუხა და ა.შ.

ზღვისპირა ბულვარში ზამთრის პერიოდისთვის მოსამზადებელი სამუშაოები მომდევნო კვირიდან დაიწყება.

 

 

გადაბეჭდვის წესი


ასევე: