რომელ ქუჩებზე შეწყდება ღამით წყალი ბათუმში – „ბათუმის წყლის“ გაფრთხილება

„ბათუმის წყლის“ ინფორმაციით, დღეს, 00:00 საათიდან 04:00 საათამდე, ტექნიკური სამუშაოების გამო ბათუმში წყალმომარაგება შეუწყდება შემდეგ ქუჩებს:

  • ბაგრატიონის ქუჩას – ჯავახიშვილის ქუჩიდან გენერალ ასლან აბაშიძის ქუჩამდე
  • შარტავას ქუჩას – ტბელ აბუსერიძის ქუჩიდან ბაგრატიონის ქუჩამდე
  • გენერალ ასლან აბაშიძის ქუჩას – ტბელ აბუსერიძის ქუჩიდან ბაგრატიონის ქუჩამდე
  • გუდიაშვილის ქუჩას
  • კაჭარავას ქუჩას
  • მალაზონიას ქუჩას
  • მიქელაძის ქუჩას

„ბათუმის წყლის“ ინფორმაციით, წყალმომარაგების მიწოდების აღდგენის შემდეგ, შესაძლოა სარემონტო სამუშაოების გამო წყალი იყოს მცირედით ამღვრეული, რაც გამოწვეულია მილზე არსებული ჯანმრთელობისათვის უსაფრთხო მინერალების ჩამორეცხვით.

„გთხოვთ, წყლის მიწოდების აღდენის შემდეგ, ონკანი გააღეთ და წყალი ადინეთ რამდენიმე წუთით, შესაძლო ამღვრეული წყლის გამოშვების მიზნით,“ – აღნიშნულია ორგანიზაციის განცხადებაში.

________

ფოტო: pexels.com

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.