2019 წლის 18 ოქტომბერს დისნეის სათავგადასავლო ზღაპრის მეორე სერიის პრემიერაა დაგეგმილი.„მალფისენტი, სიბნელის ჯადოქარი“ ასე ჰქვია ,,მძინარე მზეთუნახავის“ მოტივებზე გადაღებულ ზღაპარს, რაც 2014 წელს გადაღებული ,,მალფისენტის“ გაგრძელებაა და ,,მძინარე მზეთუნახავის“ სულ სხვა ვერსიას გვთავაზობს.
ზღაპარში ჯადოქარ მალფისენტის მთავარ როლს ანჯელინა ჯოლი შეასრულებს.
დისნეის ფილმი გვიამბობს, თუ როგორ და რატომ გაბოროტდა ყველაზე სევდიანი და ცნობილი ჯადოქარი მალფისენტი ისე, რომ მან პატარა პრინცესა ავრორაც კი დაწყევლა.
შავრქიან ჯადოქარ მალფისენტსა და მომავალ დედოფალს დაძაბული ურთიერთობა აქვთ, გამუდმებულ ბრძოლებში ისინი მოკავშირეების არმიებს ქმნიან, რაშიც მავრები და მაგიური არსებებიც ერთვებიან.
ფილმის რეჟისორი იოაჰიმ რონინგია. ჯოლისთან ერთად ფილმში მთავარ როლებს მიშელ პფაიფერი, ელ ფანინგი და დევიდ გიასი ასრულებენ.
