„ეკონომისტმა“ ახლახან გამოაქვეყნა მსოფლიოს ქალაქების ათეული, სადაც ცხოვრება 2019 წელს ყველაზე კომფორტულია. „ეკონომისტის“ ექსპერტების შეფასებით, ამ სიაში ევროპის მხოლოდ ორი ქალაქი მოხვდა. წელს ამ თვალსაზრისით ლიდერ ქალაქებად, ძირითადად, კანადისა და ავსტრალიის მეგაპოლისები დასახელდა. რაც შეეხება პირველ პოზიციას, ის ავსტრიის დედაქალაქ ვენას ერგო წილად. მეგაპოლისმა სარეიტინგო 100 ქულიდან 99,1 ქულა მიიღო. კომფორტული ქალაქების რეიტინგში ვენა 2018 წელსაც პირველ ადგილს იკავებდა.
ავსტრალიის ქალაქი მელბურნი
წელს ავსტრალიის ქალაქი მელბურნი ისევ მეორე ადგილზე აღმოჩნდა. ეს ქალაქი მრავალი წლის განმავლობაში რეიტინგის ლიდერი იყო.
ავსტრალია/სიდნეი
ქალაქი სიდნეი მესამე ადგილზეა. ავსტრალიის ამ მეგაპოლისს რეიტინგში ყოველთვის აქვს თავისი ადგილი. 2018 წელს სიდნეი სიაში მეხუთე ადგილზე იყო.
იაპონია/ოსაკა
ინფრასტრუქტურა, განათლება, ჯანდაცვა, სტაბილურობა და კულტურა – აქამდე 140 დიდი ქალაქი მხოლოდ ამ კრიტერიუმებით ფასდებოდა. წელს პირველად ქალაქები კლიმატის ცვლილების თვალსაზრისითაც შეფასდა. შესაბამისად, იაპონიის ქალაქ ოსაკასთვის გასული წლის რეიტინგი ერთი ერთეულით გაუარესდა და წელს მას მეოთხე ადგილი შეხვდა.
კანადა/კალგარი
ქალაქი კალგარი „ეკონომისტის“ რეიტინგებში ყოველთვის ლიდერის პოზიციებზე იყო. წელს ამ კანადურ ქალაქს მეხუთე ადგილი, 2018 წელს კი მეოთხე პოზიცია შეხვდა.
კანადა/ვანკუვერი
წლევანდელ ათეულში, ძირითადად, კანადისა და ავსტრალიის ქალაქები მოხვდნენ. წელს კანადის ზამთრის ქალაქი ვანკუვერი მეექვსე პოზიციაზეა.
კანადა/ტორონტო
ყოველთვის მიიჩნეოდა, რომ კანადის ქალაქ ტორონტოში ცხოვრების მაღალი დონე იყო. „ეკონომისტის“ რეიტინგში წელს ქალაქს მეშვიდე პოზიცია შეხვდა.
იაპონია/ ტოკიო
შემდეგი პოზიცია შეხვდა იაპონიის დედაქალაქ ტოკიოს, რომელიც მსოფლიოში ერთ-ერთი უდიდესი მეგაპოლისია.
დანია/კოპენჰაგენი
რეიტინგში ტოკიოს დანიის დედაქალაქ კოპენჰაგენი მოჰყვება. „ეკონომისტის“ წლევანდელ ათეულში ის მხოლოდ და მხოლოდ მეორე ევროპული ქალაქია.
ავსტრალია/ადელაიდა
ათეულის ბოლო მეათე ადგილი კი ადელაიდს მიაკუთვნეს. ეს ქალაქიც ავსტრალიაში მდებარეობს.
მთავარი ფოტო: ვენა, სასეირნო კარეტა წმინდა სტეფანეს საკათედრო ტაძრის წინ
ფოტო: SPIEGEL ONLINE
