10 და 11 აგვისტოს ბათუმის ბულვარის კოლონადებთან თაფლის ფესტივალი გაიმართება


10 და 11 აგვისტოს ბათუმის ბულვარში, კოლონადების მიმდებარედ, რიგით მეხუთე „თაფლის ფესტივალი“ გაიმართება. ფესტივალში საქართველოს მასშტაბით 40-ზე მეტი მეფუტკრე-ფერმერი მიიღებს მონაწილეობას.

თაფლის ფესტივალი 10 აგვისტოს დღის 4 საათზე დაიწყება და გაგრძელდება საღამოს 10 საათამდე, ხოლო 11 აგვისტოს – დილის 12 საათიდან დაიწყება და გაგრძელდება საღამოს 7 საათამდე.

  • ფესტივალზე ასევე წარმოდგენილი იქნება „ჯარას“ ტრადიციული მეფუტკრეობა და ჯარას თაფლი;
  • სტუმრებს 2 დღის მანძილზე შესაძლებლობა ექნებათ, დააგემოვნონ და შეიძინონ საქართველოში არსებული უნიკალური თაფლოვანი მცენარეებისაგან დამზადებული ნატურალური თაფლი და ფუტკრის პროდუქტების ნაირსახეობა;
  • მთელი დღის განმავლობაში ჩატარდება მეფუტკრეების მასტერკლასები; იქნება გასართობი ღონისძიებები, მუსიკალური გაფორმება და შოუპროგრამები ბავშვებისათვის.

თაფლის ფესტივალი ბათუმში აჭარის სავაჭრო-სამრეწველო პალატასთან არსებული მეფუტკრეობის ბიზნესასოციაციის ორგანიზებით ტარდება.

 

მთავარი ფოტო: თაფლზე დამზადებული ტკბილეული თაფლის ფესტივალზე – ბათუმი 2017 / ფოტო: „ბათუმელების“ არქივიდან
ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com