ნეტგაზეთი • RU

თავისუფალ ჟურნალისტთა სახლის მოხალისეები ხიჭაურის უნივერსიტეტის ეზოში არ შეუშვეს

 

24 ოქტომბერს, 14 საათზე, არასამთავრობო ორგანიზაცია „თავისუფალ ჟურნალისტთა სახლის“ მოხალისეები ხიჭაურში, უნივერსიტეტთან ახლოს მდებარე საჯარო სკოლაში დისკუსიას მართავენ თემაზე: „რა არის დემოკრატია”. 

 

 

 

დისკუსიის დაწყებამდე ორგანიზაციის მოხალისეებმა გადაწყვიტეს დაეთვალიერებინათ ხიჭაურის უნივერსიტეტი და სტუდენტები მოეწვიათ დისკუსიაზე, თუმცა ისინი უნივერსიტეტის ეზოში არ შეუშვეს. 

„თავისუფალ ჟურნალისტთა სახლის“ მოხალისეები ძირითადად მოსწავლეები და სტუდენტები არიან. ისინი აჭარაში სხვადასხვა სოფელში დისკუსიებს მართავენ გენდერულ თანასწორობაზე, ნაადრევ ქორწინებასა და დემოკრატიულ ღირებულებებზე  პროექტის -“ახალგაზრდებში დემოკრატიული იდეების პოპულარიზაცია” ფარგლებში.  

 



 2011 წელს ეკონომიკისა და მდგრადი განვითარების სამინისტროსა და საქართველოს საპატრიარქოს შორის გაფორმებული ხელშეკრულების თანახმად, ხიჭაურში საპატრიარქოს 61 776 კვადრატული მეტრი მიწის ნაკვეთი და მასზე განთავსებული 17 055 კვადრატული მეტრი შენობა-ნაგებობა 1 ლარად გადაეცა. უნივერსიტეტში 1000-მდე სტუდენტი სწავლობს. უნივერსიტეტი საპატრიარქოს მიერ ფინანსდება სახელმწიფოს მიერ ეკლესიისთვის გამოყოფილი 25 მილიონი ლარიდან. 2013 წელს უნივერსიტეტის ბიუჯეტი წელიწადში 1, 354 მილიონი ლარი იყო. 





ნეტგაზეთის მასალების სხვა გამოცემებში გადაბეჭდვის წესი
"ბათუმელები"