მთავარი,სიახლეები

პირველი აგვისტოდან ორბიჯიანი ავტორიზაცია გადამხდელებისთვის სავალდებულო იქნება

30.07.2019 • 2350
პირველი აგვისტოდან ორბიჯიანი ავტორიზაცია გადამხდელებისთვის სავალდებულო იქნება

ფინანსთა სამინისტროს შემოსავლების სამსახურის ინფორმაციით, „მომხმარებელთა პერსონალური მონაცემების დაცულობის, უსაფრთხოებისა და ინფორმაციის კონფიდენციალურობის მიზნით, სამსახურის ოფიციალურ ვებგვერდზე ავტორიზებული მომხმარებლებისთვის, რომლებიც ელექტრონული დეკლარირების სერვისით სარგებლობენ ორბიჯიანი ავტორიზაციის სერვისი ამოქმედდება“.

შემოსავლების სამსახურის განცხადებით, 2019 წლის პირველი აგვისტოდან, აღნიშნული ორბიჯიანი ავტორიზაციის სერვისის გამოყენება სავალდებულო იქნება. ამასთან, თუ 2019 წლის პირველი აგვისტოდან, არ იქნება გააქტიურებული აღნიშნული ორბიჯიანი ავტორიზაცია, მომხმარებელს ელექტრონული დეკლარირების სერვისი შეეზღუდება [დეკლარაციას ელექტრონულად ვერ ჩააბარებს].

შემოსავლების სამსახური გადამხდელებს ორბიჯიანი ავტორიზაციის განხორციელების პროცედურისა და ქვემომხმარებლის რეგისტრაციის ვიდეოინსტრუქციებსაც სთავაზობს.

„ზემოაღნიშნული პროექტი ქმის ახალ ტექნოლოგიურ შეასაძლებლობებს და გადასახადის გადმახდელად რეგისტრირებულ სუბიექტს სთავაზობს თავად აკონტროლოს მისი ელექტრონული პორტალიდან სხვადასხვა დროს სისტემაში შესული ქვემომხმარებლები, მოახდინოს მათი იდენტიფიცირება და მონიტორინგი გაუწიოს განხორციელებულ ოპერაციებს“ – აცხადებს შემოსავლების სამსახური.

 

გადაბეჭდვის წესი


ასევე: