ნეტგაზეთი • RU

ბათუმში მაღალი შეფასების მქონე 224 მოსწავლე კომპიუტერებით დააჯილოდეს

 

დღეს, ბათუმის N8 საჯარო სკოლაში, აჭარის რეგიონის საჯარო სკოლების 224 მეთერთმეტე კლასელს საჩუქრად პერსონალური კომპიუტერები გადაეცათ. მოსწავლეები, საქართველოს განათლებისა და მეცნიერების მინისტრმა თამარ სანიკიძემ, აჭარის განათლების, კულტურისა და სპორტის მინისტრმა გიორგი თავამაიშვილმა და მინისტრის პირველმა მოადგილემ სულიკო თებიძემ დააჯილდოეს.

 

აჭარის განათლების სამინისტროს ინფორმაციით, კომპიუტერები იმ მოსწავლეებს გადაეცათ, რომლებმაც საბაზო საფეხური წარმატებით დაამთავრეს.

 

 

 

 

 

 

 

 

 

 

 

 

მაღალი შეფასების მქონე მოსწავლეების წახალისების პროექტი წლებია ხორციელდება. მიმდინარე წელს, პროგრამის ბენეფიციარებად განისაზღვრნენ სკოლის მოსწავლეები, რომლებმაც 2014-2015 სასწავლო წელს საბაზო საფეხური (მე-7, მე-8 და მე-9 კლასები) დაასრულეს და მათი საფეხურის ნიშანია 10 ქულა (დამრგვალების გარეშე).

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები“