ნეტგაზეთი • RU

„ვიცი ვაშინგტონისა და ევროპის პოზიცია“ – ივანიშვილი გახარიას გადადგომაზე

„ქართული ოცნების“ თავმჯდომარე ბიძინა ივანიშვილი დღეს ბათუმში იმყოფება. ის პარტიულ აქტივთან სასტუმრო „ჰილტონში“ შეხვედრას მართავდა. ჟურნალისტებმა მას გიორგი გახარიას გადადგომაზე ჰკითხეს.

„ოპოზიციური პარტიები 21 ივნისიდან გახარიას გადადგომას ითხოვენ, არც ვაშინგტონიდან არც ევროპიდან, ვინც ნახა ეს კადრები, არავის კითხვები არ ჰქონია ძალის გამოყენების ლეგიტიმაციაზე. როცა მეორე დღესვე ითხოვენ ამას, ყველაფერი ნათელია. სწორად იყო ძალა გამოყენებული. ლეგიტიმურობაზე კითხვები რომ ყოფილიყო, მაშინ დადგებოდა გიორგი გახარიას პასუხისმგებლობის საკითხი. არსაიდან ამის მსგავსი კითხვა არ ისმის. შევხვდი ელჩებს, ვიცი ვაშინგტონისა და ევროპის პოზიცია”.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.