„ლუდი ბათუმურის“ მოდერნიზებული ლუდსახარშის გახსნას დღეს ჩეხეთის საგარეო საქმეთა მინისტრი, ტომაშ პეტრიჩეკი და ჩეხეთის ელჩი საქართველოში პეტრ მიკისკა დაესწრნენ. საწარმოში ჩეხი სპეციალისტების მიერ შემუშავებული უახლესი თანამედროვე მოწყობილობები უკვე დამონტაჟებულია.
მფლობელები საწარმოს შენობისა და დანადგარების მოდერნიზაციაზე ბოლო ორი წლის განმავლობაში მუშაობდნენ.
ფოტო: ბათუმის მერია
„ბათუმის ლუდისა და უალკოჰოლო სასმელების ქარხანა“ ბათუმში 1951 წლიდან მუშაობდა. ამ ქარხნის მშენებლობა საკმაოდ დიდ ხანს გრძელდებოდა – 1937 წელს დაიწყო და რამდენჯერმე შეწყდა.
ბათუმური ლუდი ცხრა საერთაშორისო ოქროს მედლის მფლობელია. ლუდის ქარხანა ახლა კერძო საკუთრებაა.
