მთავარი,სიახლეები

ბათუმში განათლების მინისტრის მოადგილის სიტყვით გამოსვლის დროს ბანერი ჩამოვარდა

10.07.2019 • 3029
ბათუმში განათლების მინისტრის მოადგილის სიტყვით გამოსვლის დროს ბანერი ჩამოვარდა

საქართველოს განათლების მინისტრის მოადგილის, ირინე აბულაძის სიტყვით გამოსვლისას ბანერი ჩამოვარდა. ინციდენტი დღეს, 10 ივლისს, ბათუმში,  კავკასიის უნივერსიტეტის ახალი კამპუსისა და სკოლის მშენებლობის დაწყების პრეზენტაციის დროს მოხდა.

მინისტრის მოადგილე არ დაშავებულა. ჩამოვარდნილი ბანერი პრეზენტაციის მონაწილეებმა გაასწორეს. ინციდენტიდან რამდენიმე წუთში ირინე აბულაძე ტრიბუნასთან დაბრუნდა და თქვა:

“ეს მივიღოთ როგორც ნიშანი იმისა, რომ ეს პროექტი იქნება ძალიან წარმატებული, იმიტომ, რომ ერთობლივი შრომითა და ძალისხმევით ჩვენ ყველაფერს მივაღწევთ” .

ბათუმში კავკასიის უნივერსიტეტის ახალი კამპუსის მშენებლობა აჭარის მთავრობის ხელშეწყობით ხორციელდება. კამპუსი აღჭურვილი იქნება თანამედროვე ინფრასტრუქტურით, ბიბლიოთეკით, ლაბორატორიებით, სპორტული მოედნებით, საცურაო აუზით და სტუდენტური საერთო საცხოვრებლით. 1 500 ადგილობრივ და საერთაშორისო სტუდენტზე, ასევე, 500 მოსწავლეზე გათვლილი სივრცის მშენებლობა სამ წელიწადში დასრულდება.

განათლების მინისტრის მოადგილის სიტყვით გამოსვლის დროს ბანერი ჩამოვარდა

საქართველოს განათლების მინისტრის მოადგილის, ირინე აბულაძის სიტყვით გამოსვლისას ბანერი ჩამოვარდა. ინციდენტი დღეს, 10 ივლისს, ბათუმში, კავკასიის უნივერსიტეტის ახალი კამპუსისა და სკოლის მშენებლობის დაწყების პრეზენტაციის დროს მოხდა.

Posted by ბათუმელები • Batumelebi.ge on ოთხშაბათი, 10 ივლისი, 2019

გადაბეჭდვის წესი