2019 წლის 29 და 30 ივნისს, 12:00 საათიდან 21:00 საათამდე, ბათუმის ცენტრალურ [ყოფილი 6 მაისის] პარკში „წიგნის ფესტივალი“ გაიმართება. ფესტივალს წიგნის მაღაზია „სანტა ესპერანსა“ ჩაატარებს.
ორგანიზატორების განცხადებით ბათუმელ მკითხველს „წიგნის ფესტივალის“ ფარგლებში საშუალება ექნება წიგნები შეიძინოს განსაკუთრებული ფასდაკლებით; გაეცნოს ახალ გამოცემულ წიგნებს.
ადგილზე იქნება მოწყობილი სამკითხველო სივრცე და საბავშვო კუთხე.
ფესტივალის ფარგლებში ასევე წარმოდგენილი იქნება უცხოენოვანი წიგნები საქართველოზე და სხვა უცხოელი სტუმრებისათვის საინტერესო ექსკლუზიური
პროდუქცია.
„ფესტივალის მიზანია, წიგნიერების და ლიტერატურის პოპულარიზაცია. ბათუმის ცენტრალურ პარკში, ორი დღით ლიტერატურული კუნძული გელოდებათ!“ – აცხადებენ ფესტივალის ორგანიზატორები.