Batumelebi | გაცნობის საიტი Tinder-ი რუსეთის სპეცსამსახურებს მომხმარებელთა პერსონალურ ინფორმაციას გადასცემს გაცნობის საიტი Tinder-ი რუსეთის სპეცსამსახურებს მომხმარებელთა პერსონალურ ინფორმაციას გადასცემს – Batumelebi
RU | GE  

გაცნობის საიტი Tinder-ი რუსეთის სპეცსამსახურებს მომხმარებელთა პერსონალურ ინფორმაციას გადასცემს

გაცნობის საიტი Tinder-ი [თინდერი] მომხმარებელთა პერსონალურ ინფორმაციას, მიმოწერასა და აუდიო-ვიდეორესურსს რუსეთის სპეცსამსახურებს გადასცემს.

რუსეთის სპეცსამსახურებმა გაცნობის საიტი Tinder-ი ინფორმაციის მიმწოდებელ ორგანიზაციად დაარეგისტრირეს რუსულ რეესტრში, რაც Tinder-ს ავალდებულებს, მომხმარებელთა პერსონალური მონაცემები რუსულ სერვერებზე განათავსოს. ინფორმაციას სააგენტო BBC -ი ავრცელებს.

ცოტა ხნის წინ რუსეთში ამოქმედებული ახალი კანონის მიხედვით, რეესტრში შეტანილია 175 კომპანია, მათ შორის Tinder-ი, რომლებსაც ევალებათ, მომხმარებელთა პირადი ინფორმაცია რუსულ სერვერებზე განათავსონ, წინააღმდეგ შემთხვევაში, კომპანიები რუსეთში შესაძლოა დაიბლოკოს.

აპლიკაცია Telegram-მა რუსულ სერვერებზე მომხმარებელთა პერსონალური ინფორმაციის განთავსებაზე უარი განაცხადა, რის შემდეგაც პლატფორმა რუსეთში დაბლოკეს, ისევე როგორც 2016 წელს დაბლოკეს LinkedIn-ი.

Telegram-ის დამფუძნებელი პაველ დუროვი მაშინ აცხადებდა, რომ გადაწყვეტილება არაკონსტიტუციური იყო, თუმცა რუსული ФСБ ირწმუნებოდა, რომ ამ საკომუნიკაციო აპლიკაციას პეტერბურგის მეტროს ვაგონებზე თავდასხმისას გარდაცვლილი ტერორისტები იყენებდნენ აქტიურად.

გასულ თვეს პუტინმა ,,დამოუკიდებელი ინტერნეტის“ კანონს მოაწერა ხელი, რაც რუსეთის ხელისუფლებას ავალდებულებს, განაცალკევოს ქვეყნის ინტერნეტი დანარჩენი სამყაროსგან.

ნეტგაზეთის მასალების სხვა გამოცემებში გადაბეჭდვის წესი
ავტორი
თამარ ნერგაძე არის "ბათუმელების" რეპორტიორი 2017 წლის ოქტომბრიდან. ტელ.: 568 81 41 75 / E-mail.: tamarnergadze123@gmail.com