მთავარი,სიახლეები,სპორტი

2:1 – “დინამო” ბათუმმა “რუსთავი” დაამარცხა

02.06.2019 • 1783
2:1 – “დინამო” ბათუმმა “რუსთავი” დაამარცხა

დღეს, 2 ივნისს, ბათუმში ანგისის საწვრთნელ ბაზაზე ეროვნული ლიგის მე-17 ტურის მატჩი გაიმართა.  „დინამო ბათუმი“  საფეხბურთო კლუბ „რუსთავს“ შეხვდა და ანგარიშით 2:1 დაამარცხა.

„დინამო“ ბათუმის ფეხბურთელებს თამაშის დასაწყისში ორჯერ ჰქონდათ შანსი გოლი გაეტანათ სტუმართა კარში, თუმცა უშედეგოდ.  „რუსთავის“ მეკარემ გიორგი მამარდაშვილმა ორივეჯერ შეძლო ბურთის აღება და საკუთარი გუნდი გადაარჩინა.

პირველი გოლი „რუსთავის“ კარში 25-ე წუთზე გავიდა.  „დინამო“ ბათუმის ნახევარმცველმა ვლადიმერ მამუჩაშვილმა საჯარიმო დარტყმა ზუსტად შეასრულა და ანგარიში გაიხსნა.

მალევე მამუჩაშვილს დუბლის შესრულება შეეძლო, თუმცა “რუსთავის”  კარი ამჯერად გადარჩა.

პირველი ტაიმის მიწურულს, 43-ე წუთზე, “რუსთავმა” ანგარიშის გათანაბრება შეძლო. ზაზა  ციცქიშვილის ზუსტი პასით ნიკოლაი ყიფიანმა შეძლო და   „დინამო“ ბათუმის კარში პირველი გოლი გავიდა.

62-ე წუთზე „დინამოს“ ნახევარმცველმა გაბრიელ რამოსმა მეკარეს ბურთი დაუბრუნა,   მიხეილ ალავიძე ამ დროს კარიდან მოშორებით იდგა. ალავიძე ბურთს დაეწია და რამდენიმე წამით ადრე იხსნა საკუთარი კარი და  რამოსი ავტოგოლისაგან.

69-ე წუთზე ნიკოლოზ საბანაძის გოლით ბათუმის „დინამო“  დაწინაურდა და ანგარიში 2:1 გახდა.

75-ე წუთზე „რუსთავის“ ნახევარმცველმა ფარხად გისტაროვმა ყვითელი ბარათი მიიღო. მან ვაკო თევდორაძესთან მიმართებაში უხეშად ითამაშა.

81-ე წუთზე გიორგი მამარდაშვილმა კიდევ ერთხელ გადაარჩინა საკუთარი გუნდი აშკარა გოლს.

დამატებით დროში, 92-ე წუთზე, დინამოს ფეხბურთელი ჯოვინო ფლამარიონი თამაშგარე მდგომარეობაში აღმოჩნდა, ამის მიუხედავად, „რუსთავის“ კარის მიმართულებით მაინც დაარტყა. შედეგად ყვითელი ბარათი მიიღო.

მე-17 ტურში გამართული მატჩის შედეგებით ბათუმის „დინამოს“ ზედიზედ ხუთი მოგება აქვს და ეროვნული ლიგის რეიტინგში პირველია 37 ქულით.

ანგისის სპორტული ბაზა დღევანდელ თამაშზეც გულშემატკივრით იყო სავსე

 

გადაბეჭდვის წესი


ასევე: