Batumelebi | საერთაშორისო პროექტების გამარჯვებული ორი გოგო სკოლა „ნიკედან“ საერთაშორისო პროექტების გამარჯვებული ორი გოგო სკოლა „ნიკედან“ – Batumelebi
RU | GE  

საერთაშორისო პროექტების გამარჯვებული ორი გოგო სკოლა „ნიკედან“

ამჯერად ორ გოგონაზე, ორ კლასელზე, ორ მეგობარზე მოგითხრობთ… ისინი ნამდვილად ამართლებენ სლოგანს – სკოლა „ნიკე“ წარმატებული მომავლისთვის!

გახსოვთ, ალბათ, თუ რა გაუწყეთ ერთი წლის წინ „ნიკეს“ მოსწავლეებზე, კერძოდ ის, რომ პასუხისმგებლიანი და მოტივირებული ლანა თურმანიძე სწავლას გააგრძელებდა ამერიკაში ( Project Flex-ით), ტეხასის პრესტიჟულ სკოლაში, ასეთივე შემართებისა და დადებითი თვისებებით სავსე ნიცა კონცელიძე (HMC project) კი – ბრიტანეთში, ჰარდფორშირის საგრაფო-სამეფო სკოლაში.

ნიცას ბრიტანეთში არდადეგები ჰქონდა. ჩამოვიდა მშობლიურ ქალაქში, შეხვდა და გაესაუბრა „ნიკეს“ მასწავლებლებს. როგორც მან აღნიშნა, სამეფო სკოლაში ყველამ კარგად იცის, რომ ის „ნიკეს“ მომავალია, სკოლაში, სადაც გამარჯვების მნიშვნელობა თითოეული მოსწავლის წარმომავლობაზე კარგად იციან და აფასებენ, ემადლიერებიან კიდეც პატარა საქართველოს მკვიდრს, რომელიც იმ საგრაფოში პირველი ქართველი, პირველი ბათუმელი და პირველი „ნიკელია“.

ნიცა კონცელიძე

ნიცა კონცელიძე

ლანა თურმანიძემ არდადეგებზე ჩამოსვლა ვერ მოახერხა, ის დღეები ე.წ. host მშობლებმა NASA-ს დათვალიერებას მოანდომეს, ბევრი სიურპრიზი და სანახაობა მოუწყვეს. თავის მხრივ, ქართული ტრადიციები და ადათები გააცნო ლანამ მათ და ტეხასელ მეგობრებსაც.

მართლაც საამაყოა მრავალრიცხოვან სკოლაში საუკეთესო მოსწავლეთა ოცეულში და მეთერთმეტეკლასელ საუკეთესოთა ათეულში მოხვედრა.  ლანა წარმატებით დაეუფლა დიპლომატიის უნარებს და სამოქალაქო აქტივობებს.

ლანა თურმანიძე

ლანა თურმანიძე

გოგონები ერთმანეთზე უკეთესები რომ არიან და უცხო ქვეყანაშიც წარმატებას აღწევენ, სკოლა „ნიკეში“ ინგლისური ენის კემბრიჯის პროგრამით სწავლების დამსახურებაა და ასევე, მონაპოვარია იმ ჩამონათვალისა, რომელიც ღირებულ განათლებას უზრუნველყოფს.

კიდევ ბევრი წარმატება მშობლიურ ქალაქსა და სკოლას მონატრებულ ლანასა და ნიცას! მოუთმენლად ველოდებით ორ ნიჭიერ მეგობარს!

ნეტგაზეთის მასალების სხვა გამოცემებში გადაბეჭდვის წესი
ავტორი