„მე ვარ ორგანიზატორი და დამაკავეთ“ – აქციის მონაწილეების მიმართვა პოლიციელებს

„ჩვენ ვართ ორგანიზატორები“ – ამ სიტყვებით მიმართავენ ბათუმში, აბუსერიძის ქუჩაზე [„კარფურთან“] შეკრებილი მოქალაქეები პოლიციელებს. ისინი ქუჩის გადაკეტვას ცდილობენ. აქციის მონაწილეები ასახელებენ კონკრეტული ექიმების გვარებს და მათ დასჯას ითხოვენ. ქუჩაში საპროტესტო მსვლელობას ბოლო პერიოდში ბათუმის საავადმყოფოებში გარდაცვლილი 7 პირის ახლობლები აწყობენ. აქცია ამ წუთებშიც [2130] გრძელდება.

„ეს არის დამპალი სისტემა“, „თქვენ ყველა ერთ სისტემას ემსახურებით“, „მე ვარ ორგანიზატორი და დამაკავეთ“, – მიმართავენ აქციის მონაწილეები პოლიციელებს.

აქციის მონაწილეებს უთხრეს, რომ მათთან შესახვედრად რამდენიმე წუთში მივა აჭარის ჯანდაცვის სამინისტროს წარმომადგენელი.

გარდაცვლილების ახლობლების აქცია/საავადმყოფო/ექიმი

გარდაცვლილი პაციენტების ახლობლების აქცია დღეს აჭარის ჯანდაცვის სამინისტროსთან დაიწყო და შემდეგ ქალაქის ერთ-ერთ მთავარ გზატკეცილზე გადაინაცვლა. აქციის მონაწილეები  დროულ გამოძიებას და კონკრეტული ექიმების დასჯას ითხოვენ.

ამავე თემაზე:

“არ ვიცი, რას ვიზამ, ჩემი შვილის მკვლელი ექიმი რომ შემხვდეს”- აქცია ჯანდაცვის სამინისტროსთან