The Prodigy-ის ვოკალისტი 49 წლის კით ფლინტი პოლიციამ გარდაცვლილი იპოვა


ბრიტანული ელექტრონული ჯგუფის The Prodigy-ის მთავარი ვოკალისტი კით ფლინტი 49 წლის ასაკში გარდაიცვალა. BBC-ის ცნობით, ცხედარი პოლიციამ დღეს დილით ესექსში, მუსიკოსის სახლში აღმოაჩინა. სიკვდილის ზუსტი მიზეზი ჯერჯერობით უცნობია. პოლიციის განცხადებით, საეჭვო გარემოებები არ იკვეთება, იუწყება BBC.

ჯგუფმა 1990-2000-იან წლებში უდიდეს წარმატებას მიაღწია, The Prodigy პოპულარული იყო საქართველოშიც. 2016 წელს, შავი ზღვის ჯაზ-ფესტივალის ფარგლებში, მათი კონცერტი ბათუმში, ჩოგბურთის კლუბში  ჩატარდა.

ჯგუფმა ბათუმში გამართულ კონცერტზე, მათი ყველაზე ცნობილი ჰიტები შეასრულა, მათ შორის: BreathePoisonFirestarterVoodoo PeopleSmack my bitch upNasty და სხვები.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან