საქართველოს საზოგადოებრივი ჯანდაცვის ფონდი, რეკომენდაციებს ავრცელებს იმი შესახებ, თუ რა შემთხვევაში შეიძლება გაგვიჩნდეს ეჭვი, ბავშვზე სექსუალური ძალადობის შესახებ:
- ბავშვს აქვს ასაკისთვის შეუფერებელი სექსუალური ხასიათის ცოდნა;
- საკუთარ თავში ჩაკეტილობა, დეპრესია, შფოთვა;
- ძილის დარღვევა, ძილის დროის შიში, კოშმარები, უნებლიე შარდვა (განსაზღვრულ ასაკში);
- ითხოვს, რომ ადამიანებმა ტანსაცმელი მთლიანად გაიხადონ, ძალდატანებით ხდის სხვებს.
ეშინია ზოგიერთი ისეთი სპეციფიური ადგილის, როგორიც არის სააბაზანო ან საწოლი; - განსაკუთრებულ მოუსვენრობას გრძნობს და აშკარად ეშინია, როცა სთხოვენ დაწვეს ზურგზე.
საზოგადოებრივი ჯანდაცვის ფონდი წერს, რომ სექსუალური საკითხებისადმი ბავშვების ინტერესი არაერთმნიშვნელოვანი მოვლენაა და განსაკუთრებული სიფრთხილე უნდა გამოვიჩინოთ როგორც ასეთი ქცევის შეფასებისას, ისე ბავშვთან ამ საკითხზე საუბრისას, “ერთი ცალკე აღებული ნიშანი არ არის საკმარისი იმისთვის, რომ დასკვნა გამოვიტანოთ სექსუალური ძალადობის შესახებ, მნიშვნელოვანია დავუკავშირდეთ პროფესიონალს და გამოვიკვლიოთ ქცევის გამომწვევი მიზეზები”.
ბავშვზე ძალადობის შესახებ ეჭვის არსებობის შემთხვევაში, დარეკე სოციალური სააგენტოს ცხელ ხაზზე ☎️1505
როდესაც ეჭვი გაქვთ და სიტუაციას გადაუდებელ მდგომარეობად მიიჩნევთ, დაუყოვნებლივ უნდა აცნობოთ პოლიციას და საჭიროების შემთხვევაში გამოიძახოთ სასწრაფო დახმარება ☎️112
ორშაბათიდან პარასკევის ჩათვლით, 10:00 – 18:00 საათამდე შეგიძლიათ დარეკო ბავშვთა დახმარების ხაზზე და მიიღო შესაბამისი კონსულტაცია ☎️116 111
