Batumelebi | პოლიციამ მობილურის ქურდობის ფაქტზე ორი არასრულწლოვანი ამხილა პოლიციამ მობილურის ქურდობის ფაქტზე ორი არასრულწლოვანი ამხილა – Batumelebi
RU | GE  

პოლიციამ მობილურის ქურდობის ფაქტზე ორი არასრულწლოვანი ამხილა

 შინაგან საქმეთა სამინისტროს ცნობით, პოლიციამ აჭარაში ქურდობის ფაქტზე ორი არასრულწლოვანი – 2004 წელს დაბადებული ნ.კ. და 2003 წელს დაბადებული მ.ა. ამხილა.

შს სამინისტროს ცნობით, გამოძიებამ დაადგინა, რომ მხილებულებმა მიმდინარე წლის 12 თებერვალს ბათუმში მდებარე ტექნიკის მაღაზიიდან მობილური ტელეფონები მოიპარეს და შემთხვევის ადგილიდან მიიმალნენ.

„სამართალდამცველებმა, ცხელ კვალზე ჩატარებული საგამოძიებო მოქმედებების შედეგად, დანაშაულის სავარაუდო ჩამდენი პირები იმავე დღეს დაადგინეს, ამხილეს და ნაქურდალი ნივთების ნაწილი ნივთმტკიცებად ამოიღეს.

გამოძიება ქურდობის ფაქტზე, საქართველოს სსკ-ს 177-ე მუხლის მე-2 ნაწილის „ა“ და „ბ“ ქვეპუნქტებით მიმდინარეობს“ – აღნიშნულია შს სამინისტროს მიერ გავრცელებულ ინფორმაციაში.

დანაშაული 3-დან 5 წლამდე ვადით თავისუფლების აღკვეთას ითვალისწინებს.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.